E IUD ta libera ion di koper, cu ta inmobilisa e sperma y ta hacie hopi dificil pa nan move rond den e matriz, pero no ta stop e ovarionan di traha un webo tur luna.
Den ocasion straño un sperma por pasa, e koper ta stop e webo fertilisa di implanta su mes. Unabes e IUD ta inserta den e matriz, e por keda eyden di 5 pa 10 aña (dependiendo di e tipo) of te ora abo dicidi di sac’e. Pues manera bo ta ripara, absolutamente nada di ‘space age’ - djis bon sentido.
Unabes bo specialista di cuido di salud a sigura cu IUD ta un metodo adecuado pa bo, basa riba bo historia medico y cu bo dicidi pa uz’e, no tin mucho pa haci. Ta inserta e IUD den e matriz di e hende muhe, mediante su vagina, pa un specialista di cuido di salud bon getrain, unda cu e ta keda di 5 pa 10 aña dependiendo di e tipo. Di mes bo por cambia bo pensamento na cualkier momento y bo specialista di cuido di salud simplemente por sac’e afo bek pa bo. Despues cu saca e IUD, e efecto anticonceptivo ta desaparece lihe y bo por sali na estado mes lihe, cu e hendenan muhe cu no a uza anticonceptivo mes.
E IUD di koper ta sumamente efectivo, sinembargo, e no ta un metodo cu ta adecuado pa tur hende. P’esey ta importante, pa bo ta sigur! Pues discuti e metodo cu bo specialista di cuido di salud prome, pa ta completamente sigur y convenci, cu esaki ta esun corecto pa bo.
+ POR KEDA DI 5 PA 10 AÑA (DEPENDIENDO DI E TIPO), PERO POR SAC’E NA CUALKIER MOMENTO
+ CU 99%, E TA UN DI E METODONAN ANTICONCEPTIVO DI MAS EFECTIVO
+ ADECUADO PA E HENDE MUHE CU KIER ANTICONCEPTIVO REVERSIBEL DI TERMINO LARGO DI 5 PA 10 AÑA Y DESEA DI EVITA REGIMEN DIARIO, SEMANAL Y MENSUAL
+ NO TA INTERUMPI RELACION SEXUAL
+ NO TA AFECTA PA OTRO MEDICAMENTO
+ POR UZ’E COMO UN ANTICONCEPTIVO DI EMERGENCIA, SI APLIC’E DENTRO DI CINCO DIA DESPUES DI A TENE RELACION SEXUAL SIN PROTECCION
+ POR OFRECE UN ALTERNATIVA PA ESUNNAN AFECTA PA E HORMOON DI ESTROGENO
+ POR UZ’E ORA TA DUNA LECHI DI PECHO
+ FERTILIDAD TA REGRESA NA E NIVELNAN PREVIO, UNABES CU KITA E IUD
- TA REKERI UN SPECIALISTA DI CUIDO DI SALUD BON GETRAIN PA APLIC’E Y SAC’E
- POR CAUSA CALAMBRE Y/OF SANGRAMENTO IREGULAR
- ALGUN HENDE MUHE TA EXPERIENCIA DOLOR DI CABES, SENSIBILIDAD Y ACNE DESPUES CU A PONE UN IUD
- RISICO CHIKITO DI INFECCION ORA DI PON’E Y OF ORA DI SAC’E
- NO TA PROTEGA CONTRA INFECCION HIV/AIDS Y OTRO INFECCION DI ENFERMEDAD DI TRANSMISION SEXUAL (SEXUALLY TRANSMITTED INFECTIONS (STIS).
VIDEO
