FAQ

1Ken por bira miembro di Famia Planea Aruba (FPA)?
Tur hoben of adulto (hende homber y hende muhe) cu ta desea pa uza anticonceptivo por bira miembro. Pa bira miembro e persona mester pasa personalmente na oficina di Famia Planea Aruba na Oranjestad.
2Si mi no tin AZV mi por bira miembro tog?
Si, por bira miembro. Ta paga awg 15,- pa inscripcion y abase di bo escogencia di producto por cumpra unidadnan los y of den un miembrecia.
3Unda FPA ta situa?
Oranjestad
Adres: Bilderdijkstraat 16 Unit 4
Telefoon: 588-9591
Orario: Dialuna pa Diabierna, 8:00 – 4:00 nonstop

4Tur miembro na FPA ta anonimo?
Pa bira miembro nos ta puntra pa bo nomber, adres, fecha di nacemento, estado civil, y dokter di cas. Tur e informacionnan aki ta keda na Famia Planea Aruba. Nos no ta bay duna niun hende bo informacion (y e ta sirbi unicamente como forma pa controla y analysa nos miembronan.)
5Ki ora mi por cuminsa bebe pildo? Kiko e pildo di tur dia por yudami cune ?
Por cuminsa bebe pildo ora cu kier regula y controla e menstruacion (ongesteld/malo di luna) of si tin pensa di bira sexualmente activo y kier preveni un embaraso.
6E pildo di tur dia por haci mi gordo?
Ta conoci cu e pildo ta habri e apetit, pero ta depende di con e hormoon nan ta bay cu bo curpa. Si acaso bai tras di e gana di kier come, por pasa cu ta subi di peso. Comiendo saludabel, bebiendo awa y haciendo ehercicio lo mantene bo peso stabiel.
7Ki ora mi tin cu cuminsa bebe pildo?
Ta cuminsa bebe e pildo di tur dia ariba e prome dia of delaster dia di e menstruacion. E orario pa bebe esaki ta keda na cada persona su escogencia. Corda si cu e mester ta un orario facil pa corda y cu ta cai bon den siman y tambe den weekend.
8Mi ta uzando pildo pero mi kier cambia esaki pa hangua. Kico mi mester haci?
Bo persona tin cu pasa na e dokter di cas pa asina e duna bo persona un receta. Cu e receta aki ta pasa FPA pa ricibi e producto. Durante e prome 3 dianan di menstruacion ta mas recomendabel pa wordo inyecta. Nos ta conseha pa ta e dokter di cas ta esun pa injecta
9E pildo ta pa preveni embaraso so?
E pildo no ta solamente preveni embaraso, pero e por regula y controla e menstruacion y dolornan di menstruacion tambe. Tene bon na cuenta si cu e pildo no ta protega contra malesanan transmiti sexualmente.
10Despues di cuanto tempo ora mi cuminsa uza un anticonceptivo, mi ta protegi?
Den e prome luna y mei cu cuminsa cu un anticonceptivo ta miho pa no tene relacion sexual of pa hasi uza di un condom. Si hasi uzo di e pildo di tur dia of e hangua manera mester ta, despues di un luna y mei elo a custuma cu e curpa y lo ta protegiendo pa no sali na estado. Semper ta miho pa hasi uza di dos proteccion. E hende homber cu su condom y e hende muhe cu su metodo anticonceptivo pa no sali na estado. (Abstinencia e decision pa no tene relacion sexual) ta unico proteccion cu ta 100% garantisa.)
11Si mi uza un anticonceptivo mi por keda sin uza condom?
Condom ta unico proteccion cu ta proteha contra malesanan transmiti sexualmente. Dos proteccion ta e miho opcion (Double Dutch), pues e hende muhe ta protega su mes y e hende homber tambe.
12Mi ta dunando lechi di pecho, cua anticonceptivo mi por uza?
Nos ta recomenda pa cuminsa cu e mini pill cual ta e ‘exluton’. Esaki ta un producto cu no lo afecta e produccion di lechi ni tampoco e baby.
13Morning after pill ta un abortus pill?
No, esaki ta un pildo di emergencia pa preveni e simia di hende homber y e webo di hende muhe topa cu otro. Si esakinan a topa otro caba, e pildo aki no lo funciona mas. Despues di a tene relacion sexual sin uza proteccion tin te cu 72 ora pa bebe esaki pa preveni un embaraso. Mas lihe e pildo di emergencia wordo bebi despues di tene relacion sexual mas efectivo esaki lo ta. Na Famia Planea Aruba nos NO tin ningun metodo (pildo) pa abortus.

 

0

Afl.0.00