‘Pulling out’ no tin nada di sciencia di comparti cu bo, de facto, e ta existi probablemente prome cu nos a haya e palabra pa sciencia. “Pulling out’ tambe ta conoci como ‘coitus interruptus’ of e metodo di ‘saca’ (withdrawal method) y ta rekeri un tremendo control propio, experiencia y confiansa, y como tal, e ta bastante poco confiabel. E ta funciona, algun biaha, ora cu e homber saca su penis for di e vagina net prome cu eyacula (‘bin’), limitando asina e chensnan cu cualkier sperma ta yega na e webo. Sinembargo, no tur sperma ta libera na climax, algun ta mas ansioso cu esey. Pues aunke e homber no a ‘bin’, bo por sali na estado cu e metodo aki.
‘Pulling out’ no ta realmente ‘rocket science’, ta djis cu e homber ta saca su penis for di e vagina, prome cu yega na su climax, pa minimalisa e risico cu e sperma ta drenta den e vagina y asina yega na e webo. E palabra clave ta; minimalisa, paso toch tin sperma cu por sali y pues fertilisa e webo(nan). Homber cu ta uza e metodo di ‘pull-out’ mester ta capaz di sa, cu ora nan yega na e punto di excitacion sexual, no por stop eyaculacion of pospone. Si bo no por predici e momento exactamente, saca e penis no ta asina efectivo. Incluso hasta si e homber ‘pull-out’ na tempo, embaraso ainda por sosode. Algun experto ta kere cu pre-eyaculacion, of pre-cum, por acumula suficiente sperma den e utero di un eyaculacion previo pa causa embaraso.
Esaki no ta un metodo cu ta recomendabel pa e specialistanan di cuido di salud, of pa miyon di hende cu a purb’e, door di pone un stop prome na e diberticion y toch a haya nan cu embaraso no planea.
+NO TA AFECTA PA OTRO MEDICACION
+POR UZ’E ORA TA DUNA LECHI DI PECHO
+LIBER DI HORMOON
- TA EXTREMADAMENTE NO CONFIABEL
- TA INTERUMPI RELACION SEXUAL
- NO TA PROTEGA CONTRA INFECCION HIV/AIDS Y OTRO INFECCION DI ENFERMEDAD DI TRANSMISION SEXUAL (SEXUALLY TRANSMITTED INFECTIONS (STIS).
