Fundacion Famia Planea ta uni su mes na e vision di Dia Mundial di Anticonceptivo 2011: “Un mundo caminda tur embaraso mester ta desea”

Buki: Doño di Curpa
August 5, 2011
Meet & Greet: I ♥ My Body 2012
November 18, 2011

Fundacion Famia Planea ta uni su mes na e vision di Dia Mundial di Anticonceptivo 2011: “Un mundo caminda tur embaraso mester ta desea”

Dia Mundial di Anticonceptivo ta tuma lugar anualmente riba 26 di September.

Pa 3 aña consecutivo paisnan y diferente regionan rond di mundo ta organisa diferente actividadnan pa pone enfasis riba Dia Mundial di Anticonceptivo. Ta hasi uso di e dia aki pa conscientisa tocante e metodonan disponibel pa preveni embaraso y pa mehora e educacion pa loke ta trata salud sexual y reproductivo. Esaki ta un campaña mundial cu un vision pa un mundo unda tur embaraso ta desea.  E vision pa mehora e conscientisacion pa loke ta trata uso di anticonceptivo y pa yuda e hobenan tuma decisionan corecto tocante nan salud sexual y reproductivo. Bou di e slogan  ‘Live Your Life. Know your rights. Learn about contraception’, dia Mundial di Aniconceptivo  2011 ta focus tambe riba e necesidad pa encurasha hobenan pa haci uso di nan derecho pa haña informacion corecto tocante metodonan pa preveni un embaraso no planea of malesanan transmiti sexualmente. E dia aki ta wordo sosteni pa un coalicion di 10 NGO’s Internacional, Sociedadnan Scientifico y medico riba tereno di salud sexual y ta wordo patrocina pa Bayer HealthCare Pharmaceuticals. International Planned Parenthood Federation IPPF, na kende Famia Planea Aruba ta afilia hunto cu 172 otro pais,  tambe ta sostene e Dia Mundial di Anticonceptivo. Na 2008 e prome Dia Mundial di Anticonceptivo a tuma lugar, unda Famia Planea Aruba tambe a participa cu un exposicion di anticonceptivo. Famia Planea Aruba a enfoca riba abstencia te na diferente metodonan di anticonceptivo. Famia Planea Aruba tambe kier a uni su mes na e vision pa un mundo caminda tur embaraso ta desea. Un pareha hoben of adulto cu no ta cla pa un embaraso pero si ta sexualmente activo, Famia Planea kier conscientisa nan riba uso di un of mas metodo anticonceptivo. E metodo di mas sigur ta keda abstenencia.

Pa mas informacion of miembresia por tuma contacto cu Famia Planea Aruba 58805951/58405951 of search nos riba Facebook, Famia Planea Fundacion.

Login

Lost your password?

Create an account?