Buki: Doño di Curpa

Famia Planea na Expo Salud
July 30, 2011
Fundacion Famia Planea ta uni su mes na e vision di Dia Mundial di Anticonceptivo 2011: “Un mundo caminda tur embaraso mester ta desea”
September 30, 2011

Buki: Doño di Curpa

Buki literario Doño di Curpa, un novela tocante sex y autoestima.

Enconexion cu Famia Planea su 40 aña di existencia a lansa un buki literario na Papiamento pa e hobennan. E conocido autor di Doño di Curpa ta Sr. Desiree Correa y e buki a ser financia pa Aruba Way Foundation.

Recientemente tur scol secundario a ricibi un cantidad di buki pa nan scol y tambe Colegio Arubano a introduci e buki aki como lesmaterial pa e aña escolar 2011-2012.

 

E ambiente ta un scol secundarion, un examenklas na unda tur mucha ta trata di haya nan diploma pa sigui studia.

Ervilia ta wak su soñonan kibra na filingrana: e ta sali na estado, sin diploma, sin trabou y un mama hoben.

Ki futuro e lo tin?

Cos di mundo no mester yena bo wowo y bende bo curpa pa esey. Harold ta bin realisa esey prome cu e subi avion, rumbo pa Hulanda. Na unda e respet pa su mes a keda? Nadine no ta haya na cas e calor di famia, su tata practicamente ta ignor`e, e ta busca e calor, E amor den un homber hopi mas bieu cu ne. E ta compronde despues cu e homber a uz`e.

George ta acepta cu e ta `otro` cu e guynan den klas. E ta un homosexual y ta demostra esey publicamente prome cu e bay afo pa studia.

Doño di Curpa…un novela cu hopi revelacion!

 

Si bo ta interesa di tin e novela aki den bo coleccion, esaki ta obtenibel na nos oficinanan pa solamente awg. 17,50. Buska esun dibo awe mes y asina contribui pa nos por sigui informa y educa nos hobennan

Login

Lost your password?

Create an account?