Evelyn Yarzagaray, director di Fundacion Famia Planea, a informa cu den vacacion grandi nan ta bay keda un poco activo. No solamente nan lo participa den un programa cu gobierno di Aruba y diferente instancia tin planea pa nos hobennan cu ta keda Aruba, y nan lo tin booth den dos expo.

Diamars 12 di Juli na Expo di Parlamento Hubenil, den Paseo Herencia, entre 5.30 pa 8:00 p.m. Y den Expo-Salud, den e fin di siman di 7 y 8 di Augustus. Nan lo tin na benta e buki “Doño di Curpa” y informacion tocante membresia, productonan y servicionan. Ademas lo ta presente den e plan vacacional cu gobierno y FADA ta bay inicia dia 18 di Juli, den seis diferente bario, y Famia Planea ta orguyoso di forma parti di dje. E ta desea nos hubentud y nan mayornan un vacacion grandi, trankil, cu sano huicio, cu nos muchanan riba bon caminda.