2305 alumno school secundario a haya educacion sexual di Famia Planea.

Vacacion no ta stroba Famia Planea sigui informa mayor y hoben
July 7, 2011
Famia Planea presente na Annual Board Meeting
July 28, 2011

2305 alumno school secundario a haya educacion sexual di Famia Planea.

Wendy Biesum-Schoop coordinador di actividad di Famia Plana, a splica den conferencia di prensa awe mainta, cu sexualidad ta un topico hopi varia y amplio, y cu e promenan yama pa duna informacion na e hoben ta e mayornan mes pero lamentablemente esey no ta e caso. Señora Biesum a bisa cu ta danki cu via di e schoolnan educacion sexual ta wordo duna, y schoolnan ta pidi Famia Planea pa duna lectura na e muchanan.
Hopi biaha ta puro curiosidad ta pone e hoben experiencia, cu resultado di embarazo hubenil. Na final di aña 2010 Famia Planea a cuminza cu e schoolnan secundario, unda nan a parti e buki “Doño di Curpa” skirbi pa Desiree Correa y cu ta hopi gusta pa e hobennan cu a lese caba. E aña aki nan a bay mas na e hobennan di school secundario cu e proyecto “I Love My Body” en cooperacion cu Wit Gele Kruis y CIAD y nan tres a encarga cu charlanan na school riba comportacion di e hoben y su consecuencianan si nan ta sexualmente activo y no tin informacion cu hopi cos por bay robes. Charlanan a wordo duna na 2305 studiante, na diez diferente school, tres institucion unda hobennan ta habita y dos grupo social. Di maart pa Juni 2011 e punto di enfoke a bay riba alumnonan di schoolnan basico, mas riba nan nivel, y a toca tema manera norma y balornan, crecimento y pubertad y abstinencia. Famia Planea a logra alcanza 435 alumno, specificamente di 5de y 6de klas, den 20 school basico y dos traimerdia.
 

Login

Lost your password?

Create an account?