Servicio

Nos servicionan primordial ta pa informa y educa nos comunidad encuanto paternidad responsabel como tambe salud sexual, sea ta via charlanan na scol como tambe via nos oficinanan. Tur hende ta bon bini y por hasi uso di nos servicionan.

  • Duna informacion riba salud reproductivo
  • Duna informacion y forma pa prevencion di (MTS) Malesanan Transmiti Sexualmente
  • Duna informacion corecto y guia riba uso di anticonceptivo
  • Duna informacion riba sterilisacion
  • Conseha y e cliente pa haci un paptest y referi e cliente na unda e por haci esaki
  • Referi personanan na nan doctor di cas of specialista bou guia di nos consehero medico
  • Nos ta copera cu tur instancia y nos ta referi personanan na un of otro instancia dependiendo di nan problema
  • Nos ta duna informacion na scol basico y scol secundario
  • Nos ta organisa diferente workshop y charla pa hoben y adulto
  • Nos consehero medico ta duna consulta gratis

 

Miembresia

Con por bira miembro di Famia Planea?

Hobennan

Hobennan te 20 aña por bira miembro y ricibi nan metodo anticonceptivo gratis.

Mester trese “zorgpas” di AZV y receta di dokter di cas.

Adultonan

Adultonan Adultonan for di 21 aña pariba mester paga awg. 15,- pa inscripcion y cu solamente awg. 35,- ta ricibi nan metodo anticonceptivo pa henter un aña.

Si ta desea Hangua of Spiraal como anticonceptivo mester trece receta di dokter di cas cu ta indica esaki.