Aruba su retonan social y economico durante e añanan sesenta, a encurasha e dokternan pa traha hunto, pa mehora e salud sexual reproductivo di e comunidad Arubano. Como resultado, Fundacion pa Promocion di Paternidad Responsabel Aruba, referi tambe como Famia Planea Aruba (FPA), a lanta riba 24 di november 1970. Bayendo bek den e añanan setenta FPA a cuminsa cu algun miembro/cliente y servicio. Awendia FPA ta provee anualmente servicio na aproximadamente 4.200 cliente, yegando 5.250 studiante cu educacion sexual integral, distribuyendo 20.000 producto di anticonceptivo y 150.000 condom anualmente. FPA tin awor riba cuarenta y nuebe aña di experiencia den veld, ta reconoci como un partner di International Planned Parenthood Federation y Gobierno Arubano y a hunga un rol crucial den provee liderasgo na e movemento di planificacion di famia na Aruba.
 




Promove e derecho y accesibilidad encuanto servicio, guia, informacion y educacion pa loke ta trata uzo di anticonceptivo y salud sexual reproductivo na e comunidad di Aruba, sin ningun clase di discriminacion di rasa, religion, color politico of orientacion sexual.

E Metanan di Desaroyo Sostenibel (SDGs), conoci tambe como e Metanan Global, ta completamente adopta pa tur United Nations Member States den 2015, como un yamada di accion universal pa termina cu pobresa, protega e planeta y sigura cu tur hende ta disfruta di paz y prosperidad pa 2030.


E 17 SDGs ta integra - esey kiermen, nan ta reconoce cu e accion den un area lo afecta e resultado den otro, y e desaroyo ey mester balansa e sostenibilidad social, economico y ambiental. Mediante e promesa pa; No Laga Niun Hende Atras, e paisnan a compromete pa haci prome un progreso rapido pa esunnan cu ta mas atras. Esaki ta e motibo pakico SDGs ta diseña pa trece e mundo na diferente cambio di bida ‘zeros’, incluyendo cero pobresa, hamber, AIDS y discriminacion contra hende muhe y mucha muhe.


Mester di tur hende pa logra yega na e metanan ambicioso aki. E creatividad, conocemento, tecnologia y recurso financiero di tur sociedad ta necesario pa logra SDGs den tur contexto.


Famia Planea Aruba tambe ta implementa e metanan mundial pa desaroyo sostenibel (SDGs) aki den su servicio-, workshop, proyecto-, campañanan y tambe e plannan pa futuro, cu e meta pa promove salud sexual en general y anticonceptivo. Di e forma aki Famia Planea Aruba ta haci nos comunidad mas consciente di nan salud sexual y motiva tur persona, pa tuma e decisionnan responsabel pa nan bida, curpa y futuro.


About-Metanan-Icons1About-Metanan-Icons-Hover