Sesion 7: Share with care
Durante di e sesion aki nos lo siña reconoce e riesgonan di Social Media. Nos lo siña con pa haci uzo di Social Media den un manera sigur. Haya un claridad cu nan semper por bisa no, block of papia cu un adulto di confiansa.
Obhetivo central di enseñasa basico: 1, 2, 3 & 5
Duracion: 45 minuut
Conocemento:
- Alumno ta siña e terminonan manera imagen, confianasa y balor propio
- Alumno ta siña reconoce cu un imagen propio positivo ta aporta na su balor propio
- Alumno ta siña reconoce norma y balornan cu e ta ricibi for di cas, scol y klas
- Alumno ta siña reconoce norma y balornan universal: amor, honestidad, respet, igualdad y paz
- Alumno ta siña reconoce cu norma y balor, ta convertie den regla y den ley
- Alumno ta siña reconoce e necesidad di balans di bienestar fisico y mental
- Alumno ta siña reconoce e situacionnan insigur
- Alumno ta siña reconoce caracteristicanan di amistad
Habilidad:
- Alumno por reconoce caracteristicanan di un imagen propio positivo y por vocifera esaki
- Alumno por indica su aspectonan postitivo cu ta aporta na un imagen propio positivo
- Alumno por indica e importancia di un imagen propio postitivo pa su confiansa propio
- Alumno por duna y ricibi feedback
- Alumno por reconoce y indica norma y balornan di cas, scol, y klas
- Alumno por reconoce y indica cu tin ley special pa proteha y garantisa derecho di mucha
- Alumno por indica paso y decision cu e por tuma pa crea un balans di bienestar propio
- Alumno por indica con pa evita situacionnan insigur
- Alumno por indica medidanan cu por ser tuma den situacionnan insigur
- Alumno por indica peligro di relacion sexual na su edad
- Alumno por tuma decision pa proteha su salud sexual na su edad
- Alumno por defende su mes y su amistad
Actitud:
- Alumno ta balora su mes y su compañeronan
- Alumno ta dispuesto pa desaroya un imagen propio postivo
- Alumno ta respeta norma y balor
- Alumno ta dispuesto na refleha riba su propio norma y balornan
- Alumno ta demostra respet pa regla y ley
- Alumno ta asertivo contra intimidad indesea y abuso
- Alumno ta respetuoso di su curpa y di otro
- Alumno ta balora su amistadnan
Structura:
Introduccion
Awo nos ta papia tocante un topico cu nos tur ta haci uzo di dje: Social Media. Instagram, Whatsapp, TikTok, Snapchat, Facebook, Roblox, Fortnite.. Tur hende ta uz’e pa comunica, hunga, of pa mustra kico nan ta haci. Pero den Social Media tambe tin diferente riesgonan. Nos lo bay siña awe: Kico ta sigur pa haci, kico no ta sigur y con bo por proteha bo mes contra “strangers”.
NOTA: Oficialmente, mucha no ta permiti pa uza Snapchat, Instagram, TikTok, YouTube, Facebook, e ta pa mucha di 13 aña bay ariba. Whatsapp ta pa mucha di 16 aña bay ariba.
VIDEO
Nucleo
Cera wowo y imagina un stranger danger. Mayoria biaha nos ta pensa cu stranger danger ta solamente un hende masculino pero no ta semper e ta asina. Un stranger danger por ta homber of muhe, e por ta bisti na preto pero tambe hopi elegante den un color. No tin un cara specifico pa bo ta stranger danger.
Practica cu e alumnonan;
Ta uza un borchi corecto/incorecto. Ta lesa un ponencia e cu e borchi alumnonan ta indica si ta corecto of incorecto.
Pregunta di discusion; Con bo por cuida bo mes?
Clausura
Social media por ta divirtido, pero ta importante cu bo cuida bo mes. Corda; no comparti potret priva, no confia nuin persona, bo por bisa no of block un persona, busca ayudo cerca un adulto si ta necesario Ora bo ta online, pensa dos biaha prome cu bo comparti algo. Cuida bo mes, cuida bo amigo. Un stranger por ta cualkier hende; muhe, homber. Locual bo por observa ta nan accion: si e ta pidi cos priva, haci bo sinti incomodo, of presiona, e por ta un Stranger Danger.
Material:
-
Presentacion digital
-
Musica suave